Kukës, i paraburgosuri për rrahjen e gruas, pret damarët në qeli

Kukes – Lajmifundit – Një person i ndaluar nga policia tentoi sot vetëvrasjen në paraburgimin e Kukësit. Sipas burimeve zyrtare shtetasi Fatbardh Çaushi, 41 vjeç, ka tentuar të vetëvritet duke prerë damarët në qelitë e paraburgimit.
Ai mbahej në arrest pasi ishte ndaluar nga policia sipas një denoncimi me akuzën e ushtrimit të dhunës ndaj bashkëshortes së tij.
Pasi ka prerë damarët, 41-vjeçari është gjetur nga rojet e burgut në gjendje të rëndë dhe më pas është derguar në spital ku po merr ndihmën mjekësore.
Policia nga ana tjetër ka nisur hetimet për mënyrën si ka ndodhur ngjarja dhe depërtimin e mjetit prerës në paraburgim pasi sende të tilla në qeli janë të ndaluara.