E zë muri gjatë punës në ndërtim, vdes në Itali emigranti shqiptar

PADOVA – Një emigrant shqiptar në Itali gjeti vdekjen sot si pasojë e një aksidenti në punë.
Mediat italiane raportojnë se ngjarja ka ndodhur në Padova, ku veç shqiptarit janë aksidentuar me vdekje në punë edhe dy punonjës të tjerë ndërtimi.
Bilanci i ngjarjes aksidentale është dy të vdekur, një shqiptar dhe një ukrainas dhe një i plagosur rëndë.
Incidenti ka ndodhur kur tre punëtorët u zunë poshtë nga një masë e madhe muri e cila u shemb papritur.
Policia ka thënë se shqiptari që gjeti vdekjen ishte një 27-vjeçar që është zënë poshtë nga çatia e ndërtesës që po ngrinte një kompani artizanale në Vandiana.
Policia tha se diçka ka shkuar keq gjatë procesit të punës dhe ngjarja është duke u hetuar.