Modelja myslimane pozon për "Playboy"

Dalja e modeles dhe aktores 25-vjeçare gjermano- turke, Sila Shahin, në kopertinën e revistës gjermane "Playboy" shokoi jo vetëm familjen e saj, por të gjithë komunitetin mysliman në Gjermani.


Shahin, së fundi, u paraqit në kopertinën e revistës gjermane "Playboy" me njërin gji të ekspozuar duke i dërguar një mesazh të qartë dhe të fortë familjes së saj konservatore.
"E bëra pasi dua të jem e lirë, - tha ajo. - Këto fotografi janë një çlirim nga kufizimet e fëmijërisë sime".


Familja e saj u ndodh në befasi, ndërsa reaguan shumë keq duke ndërprerë të gjitha marrëdhëniet me të.
"Nëna ime është e zemëruar, por më e vështirë ishte për gjyshërit, hallat dhe xhaxhallarët e mi", tha Sila.
Sila Shahin, 25 vjeç, një gjermano-turke që jeton në Berlin, deri tani konsiderohej si një shembull e një model i vajzës moderne myslimane dhe e mënyrës se si një vazjë e tillë duhet të sillet në një shoqëri multikulturore.


Një aktore e suksesshme me pjesëmarrjet e saj në disa seriale televizive në Gjermani, ajo i ka kënaqur dashamirësit e saj të shumtë dhe ka bërë krenare familjen e saj turke. Por me lëvizjen e saj të fundit, shokoi disa nga fansat dhe tërboi të afërmit e vet.


Sipas Silës, qëllimi i saj është që t'u bëjë një thirrje për veprim të gjitha vajzave të tjera myslimane që vuajnë pasojat e prejardhjes dhe që zgjedhjet e tyre i kanë shumë të kufizuara.