Horror në Francë, burri vret e gropos në oborr gruan e 4 fëmijët

Një familje franceze u zhduk në rrethana të paqarta në fillim të këtiju muaji. Misteri është zbardhur duke zbuluar një krim makabër të pa dëgjuar më parë. Në oborrin e shtëpisë ku banonte familja me 6 anëtarë që u zhduk papritur tre javë më parë janë gjetur të gropozur tre trupa.
Fqinjët kanë dëshmuar për fraza delirante të babait të katër fëmijëve i cili është shpallur në kërkim. Para se të zhdukej ai u kishte treguar se ishte një agjent sekret, e se do të emigronte në Australi, ndërsa të tjerë e kanë parë të vendosë thasë të mëdhenj në bagazhin e makinës para se te zhdukej.
Familja e zhdukur në 4 prill përbëhej nga babai Xavier, 50 vjeç pronar i një punishteje të vogël, nëna 49-vjeçare , Agnes, mësuese katekizmi dhe 4 fëmijët të gjithë në shkollë. Benoit, 13 vjeç, Anne, 16, Arthur, 18, e Thomas, 21 vjeç. Trupat e nxjerrë nga gropa në oborrin e vilës menohet se janë të nënës dhe dy fëmijëve të mëdhenj.
Hetuesit deklarojnë se ata janë varrë me armë zjarri. Gërmime të mëtejshme po kryhen nën dyshimin se të varrosur aty mund të gjenden dhe dy trupa të tjerë. Në garazh ende gjendet e parkuar makina e nënës, mbi pluhurin që mbulon xhamin e pasëm është gjetur mbishkrimi “Nuk kishe të drejtë”, “Më ka marrë malli PK”. Ndërsa mbi kutinë e postës jashtë vilës është ngjitur një letër ku shkruhet “T’i kthehet dërguesit”.