Gjykata dënon 24-vjeçarin të mos ketë të dashur për 3 vjet

KANADA

Një gjykatës në Peterborough, Ontario, ka vendosur që një kanadez 24-vjeçar të mos ketë të dashur për tre vjet. Sipas avokatit mbrojtës, ky është dënim i padëgjuar ndonjëherë më parë. Vendimi i rëndë erdhi pasi Steven Cranley u shpall fajtor në seancën e fundit gjyqësore për disa akuza që kishin ardhur si rrjedhojë e një zënke me ish-të dashurën e tij. Cranley e sulmoi të dashurën gjatë një diskutimi për ndarjen e tyre. Ai e ndaloi atë që të mos njoftonte policinë, duke i prerë kabllon e telefonit dhe më pas e shtyu. Kur policia mbërriti, ai tentoi të lëndojë veten me një thikë. Doktorët thonë se Cranley e pranon me vështirësi ndarjen dhe rrezikon të lëndohet nëse përfshihet në një tjetër marrëdhënie intime.