Banka Botërore parashikon një rritje për Bullgarinë dhe Rumaninë më 2012

UASHINGTON, Shtetet e Bashkuara -- Rumania dhe Bullgaria do të rregjistrojnë rritjen më të madhe ekonomike mes dhjetë vendeve ish-komunistë të BE-së, tha Banka Botërore në një raport mbi anëtarët e rinj të botuar të martën (19 prill). Dy vjet e gjysmë pas fillimit të krizës ekonomike botërore, veprimtaria ekonomike më BE10 po rimëkëmbet paralelisht me atë të BE15, të ashtu-quajturit anëtarët e vjetër të bllokut. Banka thotë se ritmi i rimëkëmbjes ekonomike në BE10 do të përshpejtohet këtë vit dhe tjetrin. Rumania pritet të jetë kryesuesi më 2012, me një rritje ekonomike prej 4.4%, sipas Katalin Pauna, ekonomist i Bankës Botërore dhe bashkë-autor i raportit. Në Bullgari, Banka Botërore pret një rritje ekonomike prej 3.4% më 2012.