Limoni shkatërron virusin HIV

Shkencëtarët australianë janë të bindur se kanë zbuluar efektet e reja të limonit- si mjet për kontraceptiv dhe ‘vrasës’ i virusit HIV që shkakton sidën.

Disa pika lëng limoni të shtrydhur në një tampon higjienik apo në pak fashë secila grua ‘në mënyrë të zakonshme’ mund ta përdor si mjet jashtëzakonisht efikas kundër shtatzënisë së padëshiruar por edhe preventivë dhe ‘vrasje’ efektive të virusit HIV- nëse tashmë është ‘vendosur’ në organet gjenitale.

Këtë zbulim e publikoi psikologu Roger Short nga Klinika Gjinekologjike në Melburn me theks se “disa pika lëng limoni mund të bëhet mjet i lirë dhe i kapshëm për të gjitha gratë kundër shtatzënisë dhe virusit HIV”. Megjithatë gjinekologët paralajmëruan se më së miri do të ishte nëse pak para aktit seksual ‘për vendosje në vend të duhur’ të qitet tamponi higjienik i lagur me lëng limoni në mënyrë që të parandalohet infektimi i padëshiruar të mukozës të vagjinës me baktere të tjera.

“Në laborator tashmë dëshmuam se lëngu i limonit është jashtëzakonisht efikas në çmobilizimin e lëvizjes së spermatozoideve por edhe në shkatërrimin e virusit HIV”, deklaroi Short në një emision shkencor televizionit shtetëror australian. Sipas tij, në punët kontraceptive mund të përdoret edhe lëngu nga llajmi, pemë kjo tropikale e ngjashme me limonin vetëm më i vogël dhe më i thartë, që përmban efekte të tharta të ngjashme me limon. Të dyja pemët janë të arritshme për të gjitha gratë, madje edhe në shtete e varfra të Afrikës, Azisë... në të cilat përndryshe është e vështirë të vini deri tek mjetet mjekësore kontraceptive.

Short posaçërisht theksoi se studimet laboratorike treguan se lëngu nga limoni vret jo vetëm spermatozoidet por edhe virusin HIV. Ai gjithashtu përkujtoi se përdorimi i lëngut të limonit në çështje kontraceptive nuk është ide e re por me decenie ishte e lënë pas dore. “Kontraceptivin, e shpëlarjes me përbërje të thartë, dashnoreve të tij ua propozonte edhe Giacomo Casanova, dashnori më i madh i të gjitha kohërave i famshëm me fuqitë seksuale”, tha Short.

“Me qindra vjet gratë mbroheshin me shpëlarje, por ne e kemi harruar këtë”, tha Short i cili udhëtoi në Tajlandë për ta eksperimentuar efikasitetin e ‘limonadës kontraceptive”. “Vetëm sa t’iu përkujtoj, para 300 vjetësh, sipas disa të dhënave në kohën e Romës së lashtë, si formën më të shpeshtë për mbrojtje nga shtatzënia gratë përdornin shpëlarjen me përbërjen e ujit dhe lëngun e limonit”, nuk heqë dorë Short nga zbulimi i tij.