Parakalimi i gabuar në Shkodër, 22-vjeçari vdes në aksident me motorr

SHKODER – Lajmifundit - Një i ri 22-vjeçar gjeti vdekjen sot si pasojë e një aksidenti me motoçikletë në Shkodër. Policia njofton se viktima është shtetasi Frenkin Arra, 22 vjeç që pësoi aksident ndërsa ishte duke drejtuar motorçikletën tip "Suzuki", me targa SH 227 E.
Pasagjer në motoçikletë mësohet se ka qenë edhe shtetasi Nikë Guri, 20 vjeç.
Aksidenti ka ndodhur në rrugën pranë kryqëzimit të shkollës pyjore, në lagjen "Tom Kola", motorçikleta është përplasur me një autoveturë tip "Benz" me targa MA 0406 B, me drejtues shtetasin Fran Rrukaj, 60 vjeç.
Për shkak tëpërplasjes është dëmtuar rëndë drejtuesi i motoçikletës, 22-vjeçari Frenklin Arra i cili ka gjetur vdekjen rrugës për në spitalin rajonal. Pasagjeri në motoçikletë ka pësuar plagosje.
Dëshmitarët kanë thënë se motoçikleta me dy të rinjtë ka qenë nga një rrugë dytësore dhe ndërsa ka tentuar të parakalojë një automjet, është përplasur me mjetin tjetër që po lëvizte në krahun tjetër të rrugës duke i ardhur përballë.