Maqedonasit, pa viza edhe në Brazil

Shtetasit e Maqedonisë së shpejti do të udhëtojnë në Brazil pa viza,
pasi Ministritë e Jashtme të të dyja vendeve firmosën dje një
marrëveshje.

Ministri i Jashtëm maqedonas Antonio
Milloshoski dhe homologu i tij brazilian Antonio de Agujar Patriota
nënshkruan marrëveshjen për heqjen e vizave mes dy vendeve.

Milloshoski prej ditës së djeshme po zhvillon një vizitë dyditore në
Brazil, e para e një ministri nga Shkupi në këtë shtet të Amerikës
Latine.

Të dyja vendet do të shqyrtojnë thellimin e bashkëpunimit në fusha të
ndryshme, kryesisht në planin ekonomik, arsimor, tregtar, kulturor dhe
turistik.