Sarandë, policia greke kthen mbrapsht tre shtetas shqiptarë

SARANDE – Lajmifundit - Policia e Vlorës njoftoi se ka nisur procedim penal ndaj trë shtetasve shqiptarë të deportuar nga pala greke pasi kishin kaluar në mënyre të paligjshme kufirin mes dy vendeve.
Burime zyrtare të policisë së Vlorës, bënë me dije sot se nga strukturat e policisë së Sarandës, në varësi të qarkut Vlorë, filloi procedimi penal në gjendje të lirë në ngarkim të shtetasve:
Taulant Vasil Joanidhi, vjec 26, lindur në Përmet e banues në fshatin Stermbec;
Ylber Bajram Kadiu, vjec 32, lindur në Rripe e banues në lagjen 14 Shkozet të qytetit të Durrësit;
Arben Emin Pepa, vjec 24, lindur në Gurre e Madhe e banues në lagjen 14 Shkozet të qytetit të Durrësit.
Sipas policisë, procedimi penal ndaj këtyre shtetasve filloi pasi kanë kaluar në mënyrë të paligjshme kufirin shtetëror me shtetin Grek. Pasi kishin kaluar kufirin, sipas policisë, këta shtetas janë deportuar nga autoritetet policore greke dhe kanë marrë urdhra dëbimi nga autoritetet gjyqësore.