PS: Jemi në avantazh në Kavajë, fituam Ballshin dhe Poliçanin

TIRANE—Lajmifundit—Partia Socialiste informoi sot se të dhënat paraprake për Bashkinë e Kavajës flasin për një epërsi të kandidatit të saj. “Deri në këto momente janë numëruar 2 qendrat e para të votimit, ku kandidati ynë Elvis Rroshi ka fituar 70% të votave përkundrejt 30% të votave të kandidatit tjetër. Gjithashtu, ka përfunduar me fitore gara në Përmet, Ballsh dhe Polican. Drejt rrugës së fitores janë edhe kandidatët tanë në Korcë, ku janë numëruar 15 qendra votimi, në Pogradec, ku tashmë janë numëruar 7 qendra votimi, si dhe në Patos, Rrëshen, Bulqizë dhe Fushëkrujë ku procesi i numërimit ende vazhdon”, u shpreh Kodheli. Sipas saj, të gjithë qytetarët që ditën e djeshme votuan masivisht duke dhënë një mbështetje të qartë për Partinë Socialiste, Aleancën për të Ardhmen dhe kandidatët tanë.