Aurela Gaçe, Shqipëria skualifikohet nga finalja e Eurovision

Përfaqësuesja e Shqipërisë, Auerla Gaçe, nuk ka arritur që ta sigurojë finalen e madhe të festivalit evropian të këngës “Eurovision Song Contest” që po mbahet në Duesseldorf të Gjermanisë.
Aurela Gace me këngën e saj “Feel The Passion” bëri performancë të mirë në skenë megjithëse nuk arriti të kualifikohej në finale.
Përkundër mos kualifikimit në finale, shqiptarët nuk kanë arsye për të qenë të zhgënjyer, pasi si zakonisht edhe këtë edicion Eurovision Song Contest u dëshmua të jetë festival i politizuar dhe i rajonizuar.
Finalen e të shtunës të Eurovision 2011 e kanë siguruar disa prej vendeve të cilat nga analistët as që kanë mundur të krahasohen me këngën përfaqësuese të Shqipërisë, e këtu përfshimë edhe përfaqësuesen serbe, e cila pa vështirësi siguroi finalen, ndonëse ishte larg nivelit të Aurela Gaçes.
10 vendet që siguruan finalen e Eurovision 2011:

1. Serbia
2. Lituania
3. Greqia
4. Azerbaixhani
5. Gjeorgjia
6. Zvicra
7. Hungaria
8. Finlanda
9. Rusia
10. Islanda