Maliq, 1.5 kg eksploziv në banesën e kryetarit të bashkisë

KORÇE – Lajmifundit - Një sasi eksplozivi është gjetur sot në banesën e kryetarit të bashkisë së Maliqit.
Ngjarja ka ndodhur pas mesdite kur në banesën e shtetasit Gëzim Topçiu është gjetur një sasi prej 1.5 kilogramë eksploziv. Gëzim Topçiu është përfaqësues i Partisë Socialiste.
Lënda shpërthyese ka qenë e montuar në një mekanizëm plasës por njoftohet se shpërthimi nuk ka ndodhur pasi fitili i sistemit është lagur nga reshjet e shiut.
Burime të policisë thanë se sasia e lëndës eksplozive e vendosur në banesë konsiderohet shumë e madhe. Në rast shpërthimi ekspertët llogarisin se banesa huajse do të ishte rrafshuar.
Specialistet e policisë mësohet se kanë bërë zhvendosjen e lëndës plasëse ndërsa në lidhje me ngjarjen kanë nisur hetimet.