Rihanna e puth Britney-n, Nicolas-Ryan-in

Tue 24 May 2011 - 15:55

Rihanna në ceremoninë “Billboard Music Awards” i fitoi dy çmime dhe
një puthje për mbamendje. Edhe pse për nga numri i shpërblimeve ajo
ishte baras me Taylor Swift-in, Rihanna në shtëpi është kthyer me një
“triumf” më shumë, puthjen me Britney Spears-in, e cila pas shkëmbimit
legjendar “të pështymës” me Madonna-n, e vazhdoi këtë rrugë edhe në
ceremoninë e lartpërmendur.

Britney ishte mysafire speciale në paraqitjen e Rihanna-s “S&M”,
ndërsa kënaqësinë e publikut e shpërblyen me puthje. Nga ana tjetër e
Atlantikut, Nicolas Winding Refn është shpallur si regjisori më i mirë
në Kanë, ndërsa edhe ky çmimin vendosi ta festojë me puthje. Pasi që në
atë moment më së afërmi tij ishte aktori kryesor i filmit të shpërblyer,
Ryan Gosling, Nicolas vendosi që me puthje ta “qerasë” pikërisht atë.