Makina godet bordurat në Korçë-Pogradec, vdes 37 vjeçari

KORÇË—Lajmifundit—Një aksident automobilistik ka ndodhur mbrëmjen e djeshme në aksin rrugor Korçë-Pogradec. Mësohet se në afërsi të fshatit Cerravë, një automjet tip Benz me targa PG 2893 B ka humbur kontrollin dhe makina ka goditur bordurat. Drejtuesi i automjetit, 37 vjeçari Lindor Shkullaku, banor i fshatit Stropckë të rrethit të Pogradecit rezulton të ketë humbur jetën nga kjo përplasje. Policia mbërriti në vendin e ngjarjes pak minuta pas aksidentit dhe konstatoi se shkaku i kësaj përplasjeje ka qenë shpejtësia e madhe me të cilën i jepte makinës viktima.