Tentuan të vrasin njëri-tjetrin me automatikë, dy të arrestuar në Shkodër

SHKODËR—Lajmifundit—Dy persona kanë përfunduar nën prangat e policisë së qytetit të Shkodrës. Të arrestuarit janë shtetasit Xhevdet Xhufelaj i moshës 56 vjeçare dhe Zamir Kadrija i moshës 35 vjeçare. Që të dy ishin përfshirë në një konflikt me njëri-tjetrin në lagjen “Ahmet Haxhia” ndërsa po tentonin të gjuanin me armë. Policia sqaroi se ishte Xhufelaj i cili posedonte një automatik me 20 fishekë dhe kishte marrë pozicion në hyrje të pallatit të Zamir Kadrijas për ta goditur për vdekje. Ky i fundit gjithashtu kishte marrë pozicion qitjeje ndërsa ishte pajisur me një tjetër automatik. NDërhyrja e policisë ka arritur të neutralizojë dy personat dhe të shmangë vrasjen.