Tenton tu vjedhë banesën, dy vëllezërit qëllojnë hajdutin

KRUJË—Lajmifundit—Një banesë është tentuar të vidhet në Thumanë të Krujës ndërsa autori është qëlluar prej dy vëllezërve që jetonin brenda saj. Burimet nga policia thanë se Përparim e Shkëlzen Fresku kanë qëlluar të dyshuarin duke e plagosur. Sipas policisë lokale viktima i cili ka marrë plagë me armë zjarri në trup është dërguar në spital ushtarak ndërsa dy vëllezërit janë ndaluar nga forcat e policisë. Nga hetimet e deritanishme të cilat u referohen dëshmive të dy vëllezërve Fresku, i plagosuri dyshohet se kishte vjedhur një makinë në Kavajë dhe po udhëtonte për në Shkodër, aty ku dhe është banorë. Rrugës për në qytetin e tij ai ka ndaluar për të kryer edhe një tjetër vjedhje, por kësaj here është përballur me gatishmërinë e të zotëve të shtëpisë, të cilët edhe nuk kanë hezituar por kanë hapur zjarr ndaj tij.