Vlorë, aksidentojnë me vdekje 9-vjeçarin, arrestohen dy persona

VLORE – Lajmifundit – Policia e Vlorës më datë 01.05.2011 rreth orës 23:00 tha se ka bërë arrestimin në flagrancë të shtetasit me iniciale F. V. vjec 15, nxënës banues në lagjen “Rilindja”.
Sipas policisë, arrestimi I këtij shtetasi u bë pasi në vendin e quajtur “Tregu Orizit” në afërsi të Sigurimeve Shoqërore në lagjen “Rilindja” duke drejtuar automjetin tip Fiat Punto me targa të huaja AN 381 NZ ka humbur kontrollin duke dalë nga rruga mbi trotuar ku si pasojë ka goditur shtetasin
David Sadi Ceka, vjeç 9, nxenes, banues në lagjen “Rilindja” Vlorë, I cili pak minuta më vonë ka humbur jetën në Spitalin Rajonal Vlorë.
Pas arrestimit të 15-vjeçarit, materialet në lidhje me këtë ngjarje do ti referohen Prokurorisë së Rrethit Gjyqësor Vlorë për veprën penale “Shkelje e rregullave të qarkullimit rrugor”.
Ndërkohë, në lidhje me këtë ngjarje është bërë shoqërimi dhe ka filluar procedimi penal edhe për shtetasin Marsel Luan Vezelaj, vjeç 27, banues në lagjen “Rilindja”.
Burimet nga vendi i ngjarjes, thanë për Lajmifundit se procedimi penal ndaj këtij shtetasi ka filluar pasi është përpjekur të prishë vendin e ngjarjes duke lëvizur automjetin që shkaktoi ngjarjen nga vendi i ngjarjes.
Në lidhje me këtë shtetas materialet procedurale do ti referohen Prokurorisë së Rrethit Gjqyësor Vlorë për veprën penale “Veprime që pengojnë zbulimin e të vërtetës”.

Çmënduri...