Rrahën 16-vjeçarin, arrestohen dy persona

Fri 28 Oct 2011 - 19:19

Elbasan, 28 tetor 2011 NOA – Dy të rinj janë arrestuar nga Policia e Elbasanit pasi kanë rrahur një 16-vjeçar duke i shkaktuar dëmtime të rënda në trup.
Edmond Biçaku, 20 vjeç dhe Irdi Mucva, 19 vjeç, të dy banues në fshatin Lleshan të komunës Gjinar në Elbasan, kanë goditur me sende të forta 16-vjeçarin me inicialet E.B, banues në fshatin Trepsenisht komuna Tregan në Elbasan.
Sherri mes të rinjve ka ndodhur për motive të dobëta.
Ndaj dy të rinjve ka nisur procedimi penal. Ndërsa 16-vjeçari është dërguar në spital dhe ka marrë mjekimin e parë për plagët që i janë shkaktuar.
a.k/NOA