Vlorë, policia: Si u zbuluan 22.5 kg drogë në port nga aksioni “Renault”

VLORE – Lajmifundit – Policia e Vlorës shpërndau një deklaratë për median pak çaste më parë në lidhje me sekuestrimin e 22 kileve drogë në portin e këtij qyteti ditën e sotme.
Sipas burimeve zyrtare, sot rreth orës 14:30 nga Drejtoria e Policisë së Qarkut Vlorë në bashkëpunim me strukturat e Policisë për Kufirin dhe Migracionin Vlorë bë i mundur finalizimi me sukses i operacionit të koduar “Renaulti” si rezultat i te cilit u arrestua në flagrancë shtetasi Spiro Jani Kreku, vjec 36, lindur në Pilur dhe banues në Himarë.
Arrestimi i këtij shtetasi u krye më datë 04.06.2011 në Pikën e Kalimit Kufitar Portual Vlorë, pasi mbas kontrollit të ushtruar në automjetin tip Renault Scenic me targa BS 262 ZK, nën drejtimin e të cilit ishte shtetasi i sipërpërmendur, janë gjendur 32 (tridhjetë e dy) pako të mbështjella me qese të mbështjella me natriban të bardhë, brenda së cilave ndodhej një sasi prej 22 kg e 250 gr, lëndë e dyshuar narkotike si ajo e llojit “Cannabis sativa” e cila kishte si destinacion Italinë.
Finalizimi i këtij operacioni u bë i mundur pas një periudhe disajavore hetimi me metoda speciale në bashkëpunim edhe me Prokurorinë e Rrethit Gjyqësor Vlorë. Në lidhje me këtë ngjarje u bë dokumentimi i plotë ligjor dhe materialet procedurale do ti referohen Prokurorisë së Rrethit Gjyqësor Vlorë për veprën penale “Trafikimi I lëndëve narkotike” parashikuar nga neni 283 i Kodit Penal.