Në afërsi të spitalit të Korçës, gjendet foshnja e vdekur në kazanin e plehrave

KORÇË—Lajmifundit— Policia e qytetit të Korçës ka raportuar sot gjetjen e një foshnjeje të vdekur e cila ishte hedhur në kazanët e plehrave në afërsi të spitalit rajonal. Foshnja e porsalindur, e braktisur e seksit mashkull u gjet nga kalimtarë të rastit. Foshnja është marrë dhe dërguar në spital menjëherë ndërsa po i bëhen ekzaminimet mjeko ligjore për të përcaktuar dhe shkakun e vdekjes, si dhe nëse foshja ka qenë e vdekur apo jo kur është hedhur në kazanin e plehrave. Uniformat blu të qytetit po punojnë për të zbuluar identitetin e nënës së fëmijës dhe për të kuptuar arsyet se pse foshnja ka përfunduar në koshin e plehrave.

Tmerr...