Nigeria fitoi miqësoren 4-1 me Argjentinën, FIFA e heton ndeshjen

BERNE—Reuters—FIFA ka vendosur të nisë një hetim të imtësishëm ndaj ndeshjes Argjentinë-Nigeri që përfundoi me humbjen e bardh e bluve me rezultatin 4-1. Ndeshja dyshohet se ka qenë e fiksuar më parë dhe tanimë gjithçka do të zbardhet nga trupa speciale e hetimit në FIFA. “FIFA mund të konfirmojë se ndeshja mes Nigerisë dhe Argjentinës është një prej atyre ndeshjeve ku është përqëndruar vëmendje dhe ndaj të cilës do të ndërmerret një hetim i gjërë”, thuhet në njoftimin e FIFA-s. Gjyqtari gjatë ndeshjes ka dhënë edhe dy penallti të debatueshme: të parën për Nigerinë që e shndërroi në gol V.Obinna dhe më pas një penallti në favor të Argjentinës që e shndërroi në gol nderi Boselli. FIFA dhe UEFA thonë se ndeshjet e fiksuara paraprakisht synojnë takimet e nivelit të ulët që nuk janë në qendër të vëmendjes dhe këtu përfshihen shumë herë miqësoret. Në ndeshjen e luajtur mes Nigerisë dhe Argjentinës kjo e fundit nxori në fushë ekipin e dytë ndërsa Nigeria lojtarët e saj më të mirë.

FIFA-s se nuk i pëlqen nuk e pyeti kush...

I lumtë Nigerisë për këtë fitore, se na u bënë skuadrat ''e mëdha'' si rregullore e pathyer...