Grupi D ku ndodhet Shqipëria, dorëhiqet trajneri i Rumanisë Lucescu

Bukuresht—Reuters—Trajneri i Rumanisë Razvan Lucescu ka dhënë dorëheqjen të shtunën, një ditë pas fitores së rëndësishme përballë Bosnje Hercegovinës në kuadër të eliminatoreve për Euro 2012. Dy golat e shënuar nga Ciprian Marica dhe një nga Adrian Mutu i dhanë fitoren skuadrës me rezultatin 3-0 duke u pozicionuar të tretët në grup, me tetë pikë në gjashtë ndeshje dhe pas Francës dhe Bjellorusisë. “Vendimi i tij do të hyjë në fuqi menjëherë”, tha federata rumune, e cila tani duhet të gjejë një pasues. 42 vjeçari Lucescu, ish portier, drejtoi Rapidin e Bukureshtit për tre vite, duke fituar dy kupa në kampionatin rumun dhe arriti edhe në çerek-finalet e kupës UEFA. Në vitin 2007 ai drejtoi skuadrën e FC Brasov ndonëse kishte oferta nga Turqia, Italia dhe Ukraina. Ai mori drejtimin e skuadrës kombëtare në vitin 2009, duke zëvendësuar Victor Piturca kontrata e të cilit u ndërpre për shkak të rezultateve të dobëta në kuadër të eliminatoreve për kupën e botës 2010. Portali i lajmeve “sport.ro” thotë se Lucescu do të shkojë sërish tek Rapid i Bukureshtit. Deri më tani renditja e grupit tonë është: Franca (6 ndeshje) me 13 pikë, Bjellorusia (6 ndeshje) me 9 pikë, Rumania (6 ndeshje) me 8 pikë, Shqipëria (5 ndeshje) me 8 pikë, Bosnje Hercegovina (5 ndeshje) me 7 pikë dhe në fund Luksenburg (6 ndeshje) me 1 pikë.

Ndeshjet e ardhshme në grupin D për Euro 2012

7 qershor 2011
Bjellorusi – Luksenburg
Bosnje Hercegovinë- Shqipëri

2 shtator 2011
Bjellorusi- Bosnje Hercegovinë
Shqipëri- Francë
Luksenburg-Rumani

6 shtator 2011
Bosnje Hercegovinë- Bjellorusi
Rumani-Francë

7 tetor 2011
Rumani-Bjellorusi
Francë-Shqipëri
Bosnje Hercegovinë- Luksenburg

11 tetor 2011
Francë-Bosnje Hercegovinë
Shqipëri-Rumani