Prishtinë, ngel në provimin e Juridikut, studenti kanos profesorin

Zyra e Kryeprokurorit të Shtetit përmes një kumtese ka bërë të ditur se “menjëherë pas marrjes së informatës se i pandehuri Agim Pllashniku ka kërcënuar asistentin e lëndës “Organizatat Ndërkombëtare” të Fakultetit Juridik në Universitetin e Prishtinës, Prokuroria Komunale në Prishtinë, ka urdhëruar Policinë e Republikës së Kosovës që ta arrestoj të dyshuarin dhe ka ushtruar propozim akuzë, për veprën penale, Kanosje nga neni 161 paragrafi 4 lidhur me paragrafin 1 të KPK-së.
Në propozim akuzë është propozuar që ndaj të pandehurit të caktohet masa e paraburgimit.
I pandehuri Agim Pllashniku dyshohet se më 7 qershor 2011, rreth orës 18:00, në Amfiteatrin e Vogël të Fakultetit Juridik, pasi nuk e kishte kaluar provimin nga lënda “Organizatat Ndërkombëtare”, ka kërcënuar seriozisht asistentin e lëndës, Bardhyl Hasanpapaj, tek i cili ka shkaktuar ndjenjën e frikës dhe të pasigurisë”, thuhet në këtë kumtesë.