Ardit Gjebrea largohet nga “E diela shqiptare”?

Sat 18 Jun 2011 - 1:32

Moderatori i njohur shqiptar, Ardit Gjebrea mund të mos drejtojë në të ardhmen “E diela shqiptare” në TV Klan. Këtë fakt e ka pohuar vetë Gjebrea në një intervistë për “Gazetën Shqiptare”. Pa dhënë detaje të shumta, ai tha se ka përfunduar tashmë kontrata 3 vjeçare, duke shtuar se ndjehet i lodhur. “Nuk mund të them asgjë për momentin. Ne kishim një kontratë 3 vjeçare, të cilën e përfunduam këtë sezon. Për hir të së vërtetës, jam pak i lodhur, kam nevojë për pushim dhe nuk mund të them asgjë për sezonin e ardhshëm. Më duhet të jem në ekran deri më 31 korrik të dielave dhe e vetmja fjalë që buçet nga të gjitha anët e trupit është: pak pushim!”, ka thënë Gjebrea.