Peqin, bie nga kati i katërt, plagoset rëndë 35-vjeçari

Një person është plagosur rëndë dhe ndodhet në rrezik për jetën sot në Peqin. Policia tha se një 35 vjeçar me profesion saldator u plagos rëndë pas një aksidenti të ndodhur në mëngjes.
Ai ka qenë duke punuar në një magazinë në fshatin Rrymbullak të qytetit të Peqinit kur ka rënë nga lartësia dhe është plagosur.
Nga policia lokale thuhet se shtetasi G. Bullari, 35 vjeç, ka rënë aksidentalisht nga skela në momentin që po saldonte një pajisje me një lartësi më shumë se katër metra.
Sipas policisë 35-vjeçari ndodhet në gjendje të rëndë për jetën në spitalin Ushtarak ndërkohë që ngjarja ka rezultuar të ketë qenë aksidentale.