Shqipëria merr 25 mln USD hua nga BB për investime në shëndetësi

Qeveria shqiptare dhe Banka Botërore nënshkruan te henen marrëveshjen e huasë mbi Politikat zhvillimore për reformën në sektorin social në shumën prej 25 milionë dollarësh.
Në emër të qeverisë shqiptare marrëveshja u nënshkrua nga Ministri i Financave Ridvan Bode dhe në emër të Bankës Botërore nga Përfaqësuesja e Përhershme e Bankës në Shqipëri Kseniya Lvovsky.
Huaja mbështet reformat që do ta ndihmojnë Shqipërinë të përmirësojë efektivitetin e rrjetit të mbrojtjes sociale dhe për të rritur eficiencën dhe barazinë e financimeve në sektorin e shëndetësisë.