Kursi i këmbimit, leku fiton pikë ndaj euros këtë javë

Kjo javë, krahasuar me një javë më parë ka sjellë një vlerësim të lehtë të monedhës kombëtare lek. Sezoni turistik dhe kthimi i emigrantëve për pushime po japin efektet e para në kursin e këmbimit të lekut me valutat e tjera.
Pas një periudhe të stabilizuar të tregut, java ka nisur me rënie të vlerës së dy valutave kryesore euro dhe dollar. Në mesditën e së shtunës në tregun valutor të Tiranës, 1 euro këmbehej në blerje me 141.5 lekë në një kohë që një javë më parë kursi i këmbimit ishte fiksuar në 142.1 lekë, pra është zhvlerësuar me 1 lekë. Ndërkohë që 1 USD këmbehet me 99.8 lekë në një kohë që një javë më parë këmbehej 100 lekë, pra me zhvlerësim prej 0.2 lekësh.