Vrasja e 35-vjeçares në Pogradec, refuzoi martesën me të dashurin 60-vjeçar

POGRADEC – Lajmifundit – Pas arrestimit të autorit të dyshuar për krimin policia e Pogradecit hedh dritë mbi vrasjen e shtetases Mirela Spahiu, 35 vjeçe e cila u gjet e vdekur sot në një hotel në periferi të qytetit.
Hetues të çështjes kanë thënë se gruaja e divorcuar, nënë e dy fëmijëve i kishte premtuar shtetasit Hysen Hykellari, 60 vjeç, se do të martohej me të. Ata kishin lidhje intime mes tyre prej disa kohësh.
Policia tha se Hysen Hykellari i arrestuar tashmë për vrasjen, ishte edhe ai i divorcuar, banor i fshatit Zervaskë. Nga ana tjetër mësohet se viktima e ngjarjes, gruaja 35-vjeçare ishte goditur me force tek koka e krevatit dhe është masakruar me sende të tjera të forta.
Policia bëri të ditur se 60-vjeçari kishte tre vjet që frekuentonte viktimën duke pritur të finalizonte një martesë me 35 vjeçaren. Refuzimi i saj ditën e sotme dyshohet se ka qenë shkak i vrasjes në hotel.
Sipas policisë refuzimi i 35-vjeçares për martesë dyshohet se ka shkaktuar irritim e xhelozi tek autori i krimit.