Matura, 5% e nxënësve mbetën në matematikë, 2.8 për qind në letërsi

Rreth 5% e maturantëve shqiptarë nuk janë vlerësuar kalues në provimin e parë të Maturës Shtetërore, në lëndën e Matematikës. Nga ana tjetër, notat maksimale 9 dhe 10 i kanë marrë 9.13% e nxënësve.
Sipas Ministrisë së Arsimit, e cila publikoi rezultatet e provimit, niveli i njohurive ka qenë më i mirë krahasuar me vitin e kaluar.
Përgjithësisht nxënësit pjesëmarrës kanë marrë nota të mira dhe të nivelit mesatar.
Me notë 5 dhe 6 janë vlerësuar 66.19 % e nxënësve, ndërsa me 7 dhe 8 janë vlerësuar 19.74 % e tyre.
Provimet e Maturës nisën më 1 qershor me provimin e Gjuhë- Letërsisë, ku rreth 2.8% e maturantëve nuk u vlerësuan kalues, ndërsa notat 9 dhe 10 i morën 15% e tyre.