Durres, 2 mijë objekte të shek 10 p.e.s në Muzeun Arkeologjik

Muzeu arkeologjik i Durrësit, më i madhi i këtij lloji në vendin tonë, brenda muajit shkurt të vitit 2012 do të ketë një pamje tjetër. Në mjediset e këtij muzeu që prej disa ditësh ka nisur puna për rikonstruksionin e godinës, falë një financimi prej afro 103 milion lekë, të akorduara nga Ministria e Turizmit, Kulturës, Rinisë dhe Sporteve.
Bashkë me ndryshimet rrënjësore në fasadën e ndërtesës, projekti parashikon ndërhyrje të tjera brenda godinës, si në sistemin hidraulik, elektrik dhe në atë të sigurisë.
Muzeu arkeologjik i Durrësit, i themeluar 60 vjet më parë ka rreth 2000 objekte me vlerë, të cilat japin një tablo të jetës social-ekonomike të qytetit në periudhën nga shek. 10 para erës sonë deri në shek. 4 pas erës sonë.