“Atlantis” mbërrin në ISS

“Atlantis”, anija hapsinore amerikane e nisur ditën e premte për të kryer misionin e saj të fundit, mbërriti me sukes në stacioni hapsinor ndërkombëtar.

Në bord të “Atlantis” ndodhen katër astronaut, mes të cilëve edhe një femër. Anija transportoi drejt stacionit hapsinor rreth 3 ton ushqime e furnizime të nevojshme.

“Atlantis” do të qendrojë për të paktën një javë në ISS (International Space Station) e më pas do të rikthehet në tokë, për t’u “kycur” më në muze bashkë me anijet e tjera të NASA-s.

Ky vendim lë Shtetet e Bashkuara praktikisht pa anije kozmike. NASA i është përkushtuar një programi bashkë me disa kompani të tjera amerikane për zhvillimin e mjeteve fluturuese të afta të eksplorojnë më në thellësi hapësirën dhe të zëvendësojnë anijet kozmike.

Por deri atëherë, NASA do të përdorë anijet kozmike ruse, europiane dhe japoneze për misionet e saj.