Julian Deda: Duhet një pauzë, tek ‘Apartamenti’, s’do të mbyllet

Tue 19 Jul 2011 - 1:29

Një prej aktorëve më të dashur për publikun Julian Deda rrëfen të dhënat më të fundit rreth mbylljes për disa kohë të ‘Apartamentit 2XL’ I cili sipas tij do të zëvëndësohet për momentin nga një tjetër spektakël humori, sigurisht pa u mbyllur përgjithmonë. Ai tregon se projekti është gati por puna ënde nuk ka nisur për shkak të disa përmbylljeve organizative që po bëhen nga stafi.Kemi mësuar së fundmi se në Shtator nuk do të ketë një sezon tjetër të ‘Apartamentit 2xl’. Cfarë ka ndodhur më saktësisht?Asgjë s’ka ndodhur. Thjesht ‘Apartamenti 2xl’, tashmë show shumë i dashur për njerëzit mund të bëjë një pushim të vogël, por akoma nuk është vendosur përfundimisht. Po kjo nuk do të thotë se do jemi ne aktorët pushim. Po përpiqemi të ndërtojmë një spektakël të ri, patentë kjo e blerë së fundi nga TRING.Pse erdhi ky vendim dhe kush e mori atë?
Mendoj se (gjithmonë nëse ndodh) është një veprim i drejtë. Sepse çdo spektakël ka nevojë të bëjë një lloj pauze për t’u rikthyer fuqishëm përsëri në ekran. Është vendim që po merret nga i gjithë stafi. Bëhet fjalë për një alternim të mundshëm në sezonin vjetor ndërmjet spektaklit apo formulës së re dhe ‘Apartamentit 2xl’.Flitet se janë krijuar ndërkohë përçarje në grup. Cili është komenti juaj për këtë?Kush thotë që ka përçarje në grupin tonë….e ka nga vapa e nuk di ç’thotë….! Përkundrazi, grupi po bën ca pushime të qeta pasi mbyllëm një sezon shumë të mirë të 2xl-së, grupi funksionon për mrekulli. Përsa i përket përçarjeve ja kemi lënë atyre që bëjnë sikur përçahen por në realitet ndodh e kundërta, politikanëve. Kurse neve jemi një grup super harmonik dhe nuk ma do mendja se mund të ndodhë diçka e tillë.Vendosi Turi për këtë? Apo më parë mori edhe mendimin tuaj?Turi është producenti i ‘Apartamentit 2XL’ dhe si rrjedhojë është producenti edhe i spektaklit të ri. Është një djalë mjaft kurajoz dhe për fat të mirë i ka qëlluar një trupë dhe një regjisor po aq kurajozë. Dua të them që është diçka që ne e kemi diskutuar të gjithë së bashku….pastaj për veprimet proceduriale organizative sigurisht merret Turi.Çfarë po bën gjatë kësaj kohe?Ehhhhhhh po pushoj në fakt. Neve i kemi pak të gjata pushimet. Nganjëherë nuk durohen sepse po të mendosh që ne vijmë nga një punë me shumë ritëm gjatë dimrit dhe përnjëherësh bie në pushim. Megjithatë është i nevojshëm një pushim sepse rifreskohesh me ide të reja. Përveç të tjerash po duroj edhe këtë vapë të tmerrshme…..ufffffffffffff.Keni nisur punën për shown e ri?Akoma sepse po mbyllen edhe gjërat e fundit organizative…..
Si është konceptuar të jetë ai?Spektakli në fakt është një formulë e re….e realizuar në të gjithë botën. Më në fund vjen edhe në Shqipëri. Është mjaft e suksesshme në botë, shpresoj ta bëjmë po aq të suksesshme edhe në Shqipërinë tonë të dashur……Për momentin kaq mund të them.
Do të të mungojë ‘Apartamenti’ këtë sezon?Apartamenti ndoshta mund të mungojë vetëm 3 muaj….por asnjëherë nuk do bëjë pushim të gjatë. Pa ‘Apartamentin’ nuk rri dot as unë….hahahhaI ke planifikuar pushimet?Po i kam planifikuar dhe do t’i bëj brenda shqipërisë, sigurisht në det.