Gjermani, babai manjak e përdhunoi, vajza lindi 3 fëmijë

Fri 16 Sep 2011 - 21:37

Një 69-vjeçar është arrestuar nga Policia e Nurembergut me akuzën se ka abuzuar seksualisht për 34 vjet me të bijën, me të cilën besohet se ka lindur edhe 3 fëmijë. Sipas akuzës, dhunimet duhet të kenë nisur kur viktima ishte 12-13 vjeç.
Babai, pensionist, duhet ta ketë detyruar vajzën të kryejë raporte seksuale me forcë dhe kërcënime. Tre fëmijë besohet se kanë lindur nga abuzimi ndërkohë që dy prej tyre kanë vdekur pak kohë pas lindjes.Gruaja, e cila aktualisht është 46 vjeç, jetonte në shtëpinë e familjes, nën kontrollin e rreptë të të atit, i cili duket se i ka ndaluar të kishte ndonjë marrëdhënie jashtë shtëpisë. Vetë prindi i viktimës, i cili e ka pranuar marrëdhënien, por që sipas tij ka qenë konsensuale, akuzohet për dhunë seksuale në të paktën 497 raste të tjera.