Mblidhte skrap në Librazhd, humb jetën 24 vjeçari

Wed 21 Sep 2011 - 15:08

Lajmifundit—Një person ka humbur sot jetën teksa po punonte në një pikë grumbullimi skrapi në aksin rrugor Librazhd-Elbasan. Mësohet se ngjarja ndodhi në vendin e njohur si kthesa e Murrashit. Punëtori 24 vjeçar Besnik Bala dyshohet se ka qenë duke prerë skrap në një kohë kur ka goditur aksidentalisht një bombol gazi që ka shkaktuar shpërthimin që i mori dhe jetën. Policia ka mbërritur në vendin e ngjarjes dhe ka nisur hetimet për të zbardhur rrethanat e plota të kësaj ngjarjeje.