Nuk ka më kërkesa për darkën e fundit para ekzekutimit

Për ata që presin të vdesin, kjo është gjëja e fundit që mund të kërkojnë. Por të burgosurit në Teksas nuk do lejohen më që të përzgjedhin atë që duan të hanë darkën e fundit, pasi një i dënuar që priste të ekzekutohej porositi një darkë masive.
Lorens Brojer, që u ekzekutua të mërkurën, kërkoi dy bërxolla, një çizburger me tre copa proshutë, bishtaja të pjekura, tre fahitas, një picë, një kupë të madhe me akullore dhe gjalpë kikiriku. Më pas ai refuzoi që të hante gjërat që i ishin dërguar.
Kjo bëri që senatori Xhon Uhitmajër, t’i shkruajë drejtorit të Divizionit të Drejtësisë në Teksas duke i thënë se tani është mbushur kupa. Sipas senatorit, darka e fundit është një privilegj i papërshtatshëm, të cilin ky kriminel nuk ia pati ofruar viktimës së tij.
Siç raportojnë mediat, drejtori i DDT ka rënë dakord me senatorin.Gazeta tema