Kapet me 142 kilogram hashash, arrestohet shtetasi grek

Një shtetas grek ka përfunduar sot nën prangat e policisë shqiptare pasi ju gjend një sasi prej 142 kilogram hashash. Të dhënat e policisë thonë se droga u kap në kufirin Shqipëri-Greqi në një furgon i cili drejtohej nga shtetasi grek, identiteti i të cilit nuk bëhet i ditur. Policia konstaton se lënda narkotike transportohej drejt Greqisë dhe sipas policisë 48-vjeçari grek ishte në kërkim për trafik narkotikësh. Sipas policisë shtetasi grek kishte braktisur 3 ditë më parë 113 kg hashash prandaj ishte shpallur në kërkim nga policia shqiptare.