Mbollën 500 rrënjë hashash, arrestohet nëna dhe djali

Mon 17 Sep 2012 - 12:57

Tiranë, 17 shtator 2012, NOA – Nëna dhe djali janë arrestuar nga policia pasi u është zbuluar një parcelë e mbjellë me 500 rrënjë hashash. Ngjarja ka ndodhur në komunën Bërzhitë në Tiranë dhe personat e arrestuar mbrëmjen e djeshme janë, Meliha Sulejman Shehu, 46 vjeç, banuese në fshatin Ibë e Sipërme dhe djali i saj Klodjan Gëzim Jonuzaj, 24 vjeç, raporton noa.al.

Sipas policisë, dy personat kanë mbjellë në një parcelë, në një pjesë të pyllëzuar në fshatin Mushqeta rreth 500 rrënjë bimë hashash. Policia ka asgjësuar 485 rrënjë hashash dhe 15 prej tyre janë marrë për ekzaminim të mëtejshëm laboratorik.

Ndaj dy familjarëve ka nisur procedimi penal për kultivim të lëndëve narkotike.

a.k/noa.al