Tepelenë, arrestohet 17-vjeçari, transportonte 5 kg hashash

Një 17-vjeçar nga Tirana u arrestua në Tepelenë teksa transportonte në valixhen e tij një sasi prej 5 kg hashash. 17-vjeçari me inicialet Z.I. po udhëtonte me autobus nga Gjirokstra drejt Tiranës.

Sipas policisë, dyshohet që lënda narkotike ishte blerë në Lazarat dhe po transportohej drejt kryeqytetit. Ajo u gjet në bagazhin e autobusit, e paketuar dhe e futur në një valixhe.

Policia ka nisur hetimet për të zbuluar personat, të cilëve u është blerë lënda narkotike.