Aleanca Kuq e Zi: Censusi po ul fiktivisht numrin e shqiptarëve në Ballkan

Kreshnik Spahiu, Kryetar i KLD-së dhe i Aleancës Kuq e Zi, tha sot se procesi i regjistrimit të popullsisë shkel të drejtat e çamëve, në të njëjtën kohë që po bën një ulje artificiale të numrit të shqiptarëve në Ballkan.

”Censusi nuk mban parasysh të drejtat e çamëve. Propozimi ligjor për këtë klasë të popullsisë u përjashtua nga ky regjistrim”, tha Spahiu. Ai i bëri këto deklarata në një takim nga Instituti i Çamërisë.

Sipas tij, një proces i ndjekur në këtë mënyrë, po sjell uljen artificiale të numrit të shqiptarëve në Ballkan. Gjithashtu, është e domosdoshme që shteti të inventarizojë të gjitha pasuritë e paluajtshme të shtetasve shqiptarë.