Berisha: Viti 2012 e gjen Shqipërinë tërësisht në moshën dixhitale

“Shërbimet dixhitale janë më transparentet, më të shpejtat ,më të sigurtat dhe kjo qeveri do t`ia ofroj qytetarëve të këtij vendi”. Ky ishte premtimi i bërë sot prej kryeministrit Sali Berisha në mbledhjen e radhës së Këshillit të Ministrave. Sipas tij, brenda vitit 2012 do të finalizohen 125 projekte dixhitale në administratën shqiptare ndërsa deklaroi se çdo punonjës i saj duhet të pajiset me çertifikatë për përdorimin e programeve të kompiuterit. Berisha theksoi se ky është një objektiv madhor që do të realizohet në 100 vjetorin e pavarësisë së Shqipërisë.