Pogradec, babai vret djalin me sopatë, arrestohet

Një ngjarje e rëndë ka tronditur pasditën e sotme Pogradecin. Burimet policore thonë se 72 vjeçari Njazi Kromollari ka qëlluar me sopatë djalin e tij Kudret Kromollari duke e lënë të vdekur. Gjithçka ndodhi në fshatin Vërdovë dhe dyshohet se goditja me sopatë erdhi pas një konflikti mes babait dhe djalit të tij në banesën e 72 vjeçarit. Autori aktualisht ndodhet në polici i prangosur, ndërsa trupi i djalit në morgun e qytetit të Pogradecit. Policia po heton shkaqet dhe rrethanat që cuan në ngjarjen e rëndë. Uniformat blu të Pogradecit theksuan se 25 vjeçari ishte përdorues i alkoolit dhe dhunonte fizikisht prindërit, ndërsa mësohet se është arrestuar dhe autori i ngjarjes.