Grabitet me armë kazinoja në qytetin e Shkodrës

Një person i armatosur e i maskuar ka realizuar sot grabitjen e një kazinoje të ndodhur në qendër të qytetit të Shkodrës. Nga të dhënat e para mësohet se grabitja ka ndodhur në momentin e ndërrimit të turneve të punës brenda kazinosë. Policia thotë se autori i armatosur dhe me maskë ka arritur të grabisë një shumë të konsiderueshme parash dhe më pas është larguar nën kërcënimin e armës. Policia ka mbërritur menjëherë në vendin e ngjarjes dhe ka nisur hetimet për të zbuluar identitetin e autorit dhe më pas mundësuar arrestimin e tij. Ende nuk ka të dhëna zyrtare për shumën e parave që janë grabitur nga autori në kazino.