Tiranë, vjedh 6 milionë lekë, arrestohet roja i kazinosë

Një shtetas që punonte si roje kazinoje në Tiranë është arrestuar për veprën penale të vjedhjes nga Komisaraiti i Policisë Nr.3 Tiranë.
Lajmi u bë i ditur nga burime zyrtare të policisë që thanë se u bë arrestimi në flagrancë i shtetasit Edlir Andon Çerepi, 37 vjeç, banues në Tiranë, i dënuar më parë për vjedhje.
I arrestuari është punonjës në firmën “Apeks”, dhe akuzohet se dje rreth orës 06.50, në Rrugën Egnatia, ka marrë në dorëzim punën, në firmën Apeks lojra fati dhe pas vazhdimit të punës rreth orës 08.00, nga kontrolli i bërë nga menaxheri i kësaj pike, rezulton se në kasafortën që administrohej për llogari të kësaj firme, mungon një shumë prej rreth 600.000 lekësh te reja.
Materialet i kaluan Prokurorisë së Rrethit Gjyqësor Tiranë në ngarkim të tij, për konsumim të veprës penale të Vjedhjes.