Tiranë, grabiti 3.5 milionë lekë me armë lodër në kazino, arrestohet

Tirane – Lajmifundit – Arrestohet nga policia e Tiranës autori i grabitjes së 3.5 milionë lekëve me armë lodër në një kazino në rrugën “Don Bosko” në Tiranë. Burime të policisë së kryeqytetit bënë të ditur lajmin duke pohuar se Specialistë të Seksionit Kundër Vjedhjeve me Armë dhe Dhunë në Policinë e Kryeqytetit, bënë identifikimin dhe kapjen e autorit të vjedhjes me dhunë të një lokali lojrash fati në Tiranë.
Ngjarja ka ndodhur më datë 22 Maj 2011 në rrugën “Don Bosko” në Tiranë, ku autori i dyshuar shtetasi Guxim Zef Zhivani, 28 vjec, i proceduar më parë, i maskuar dhe nën kërcënimin e një armë e dyshuar (lodër), ka hyrë dhe vjedhur më pas në dyqanin Apex, shumën e parave prej 350 000 lekësh.
Menjëherë, pas kësaj vjedhje, strukturat e hetimit të krimit në Policinë e Kryeqytetit, falë një pune gjurmuese disa ditore, bazuar edhe në informacionet e marra në rrugë operative, bënë të mundur identifikimin dhe më pas kapjen e autorit të dyshuar të kësaj grabitje.
Në sajë të hetimit intesiv, u arrit kapja e tij, në afërsi të Urës së Babroit në Tiranë. Nga ana strukturave të hetimit, në ngarkim të tij, u kryhen veprimet proceduriale dhe materialet iu referuan Prokurorisë Rrethit Gjyqësor Tiranë, për konsumim të veprës penale të “Vjedhjes me dhune” , vepër e cila parashikohet nga neni 139 i Kodit Penal.