Grabiti 9700 euro me armë në Vlorë, arrestohet 23-vjeçari

VLORE – Lajmifundit – Arrestohet autori i një grabitje me armë të ndodhur më 25 mars 2011 në fshatin Tërbaç të Vlorës, ku nën kërcënime u janë marrë 9700 euro dhe 20 mijë lekë disa shtetasve.
Lajmi është bërë i ditur nga policia lokale e cila tha se më datë 30.05.2011 rreth orës 17:30 falë operacionit të koduar “Gjerdani” u bë e mundur kapja dhe ndalimi i shtetasit Ervin Adriatik Mehmetaj, 23 vjec, banues në fshatin Tërbac Vlorë.
Sipas burimeve zyrtare, ndalimi i këtij shtetasi u krye pasi dyshohet se më datë 25.03.2011, në fshatin Tërbac të rrethit Vlorë, nën kërcënimin e armës, në bashkëpunim edhe me
persona të tjerë, u ka vjedhur shumat prej 9700 Euro dhe 20.000 lekë shtetasve E. V., N. K., dhe Y. P.
Sipas burimeve të njëjta, identifikimi i këtij shtetasi u krye pas një pune hetimore disa javore dhe nëpërmjet metodave speciale të hetimit. Policia tha për LajmiFundit se po punohet për identifikimin dhe kapjen e bashkëpunëtorëve të tjerë të kësaj ngjarjeje. Ndërkohë pas arrestimit të 23-vjecarit, materialet proceduriale do ti referohen Prokurorisë së Rrethit Gjyqësor Vlorë për veprat penale “Vjedhje me armë” e kryer në kushtet e bashkëpunimit dhe “Prodhimi dhe mbajtja pa leje e armëve luftarake dhe municionit”.

O një lajm të mirë nuk mund t'i zbatojmë Atdheut bre!!!
Pse kjo tragjedi...