Grabiti varësen e floririt me dhunë, arrestohet 25-vjeçari

Pogradec, 21 gusht 2012, NOA- Një person është vënë në pranga nga policia pasi akuzohet për vjedhje me dhunë.

Policia e Pogradecit ka arrestuar 25-vjeçarin Gentian Oshafi, i cili ishte shpallur në kërkim për veprën penale të “Vjedhjes me dhunë”, raporton noa.al.

Sipas policisë, 25-vjeçari ishte shpallur në kërkim pasi ka goditur dhe i ka marrë nga qafa varësen e floririt shtetases me inicialet S. J.

Ngjarja ka ndodhur në fshatin Blacë, dhe për këtë rast materialet e përpiluara do i referohen prokurorisë së Pogradecit për veprime të mëtejshme.

b.gj/noa.al