Lezhë, arrestohet me drogë 17-vjeçari

Një adoleshent u arrestua nga policia e Lezhës gjatë mbrëmjes së djeshme, pasi mbante me vete në makinë një sasi lënde narkotike. E. S. 17 vjeç, me banim në qytetin e Laçit të rrethit Kurbin, u ndalua nga forcat e policisë në vendin e quajtur Rruga e Patokut, në Laç, dhe pas kontrollit në automjetin që ai drejtonte, një Benz me targa TR 3057 S, iu gjet dhe iu sekuestrua në cilësinë e provës materiale, një sasi prej 5 gramë lëndë bimore e dyshuar si lëndë narkotike.
Policia tha se ndaj të arrestuarit është ngritur akuza për mbajtje dhe shpërndarje të lëndëve narkotike.