Lezhë, tenton të vrasë vëllanë, arrestohet

Një tjetër ngjarje e rëndë në Komunën Blinisht, të Lezhës.Protagonist i ngjarjes, që për pak është shndërruar në vëllavrasje, ka qenë një 47-vjeçar nga fshati Piraj.

Sipas informacioneve paraprake, Gjin Marku, ka qëlluar me armë zjarri vëllain e tij Pjetër Marku, 39 vjeç. Ngjarja ka ndodhur në shtëpinë e këtij të fundit, ndërkohë që ende nuk janë të qarta motivet e ngjarjes. Policia ka mbërritur në vendngjarje dhe brenda pak minutash ka mundur të arrestojë autorin e ngjarjes, bashkë me armën e krimit.

I plagosuri është dërguar në spitalin rajonal të Lezhës, ku ndodhet jashtë rrezikut për jetën. Policia po punon për dokumentimin e plotë të ngjarjes dhe pas marrjes në pyetje të dy protagonistëve të ngjarjes dhe familjarëve të tjerë, do të arrijë një konkluzion zyrtar.

prap ne lezhe tentim vrasje dhe vellaun e vet me shum se kafsha