Novoselë, tenton të vrasë 21-vjeçarin, arrestohet adoleshenti

Dy persona janë arrestuar nga policia e Vlorë pas një tentative vrasje në Novoselë. Ngjarja ka ndodhur rreth orës 15:30 kur nga Seksioni i Kundër Krimeve Ndaj Personit në drejtorinë e Policisë së Qarkut Vlorë është marrë njoftimi se në Spitalin Rajonal ka shkuar i dëmtuar një person me armë zjarri.
Menjëherë është krijuar grupi hetimor dhe nga hetimet e kryera ka rezultuar se ngjarja ka ndodhur rreth orës 15:00 në vendin e quajtur “Ura e Alibanit” pas një konflikti për motive banale midis shtetasve: T. P., vjec 21, lindur në Vlorë e banues në fshatin Aliban të komunës Novoselë dhe M. N., vjec 17, lindur dhe banues në fshatin Aliban të komunës Novoselë.
Policia tha se ky i fundit është futur në shtëpi dhe ka marrë një armë zjarri gjahu teke dhe ka qëlluar dy herë në drejtim të shtetasit T. P., duke i shkaktuar atij dëmtime në krah e në trup dhe është larguar menjëherë në drejtim të paditur.
Në cilësinë e provës materiale janë gjetur dhe sekuestruar arma e gjahut e cila resulton të jetë me leje.